Hilabete asko, gehiegi, igaro ondoren, ikasturte berri baten aurrean gaude jada, 2020-2021ean. Ezohizko eta ziurgabetasunez beteriko hasiera honetan, Zelandiko Gurasoen Elkarteak batzarrean hartutako zenbait erabakiren berri eman nahi dizue.
BAZKIDEEN KUOTAK
Guztiok gogoratuko duzuenez, aurreko ikasturtea amaitu gabe geratu zen eta gure jarduera asko bertan behera utzi behar izan genituen. Ezusteko ikasturte amaiera horren ondorioz, bazkideek ezin izan zituzten kuotak ordainduta lortzen diren irabaziak agortu.
Horregatik, Zelandiko Gurasoen Elkartearen batzarrak erabaki du bazkide ohiek, hau da, aurreko ikasturtean kuota ordaindu zutenek, Gurasoen Elkarteko bazkide izaten jarraituko dutela 2020-2021 ikasturtean, aurten kuota ordaindu beharrik izan gabe. Era berean, helbideratuta dutenei ere ez zaie kuota bankutik pasako. Bazkide berriek, berriz, inskripzio-orria bete beharko duzue, familia bakoitzaren oinarrizko datuekin.
Ordainketa bi modutan egin dezakezue:
- Bankuan, zuzenean. Ordainketa egin ondoren, ordainagiria entregatu beharko diozue Gurasoen Elkarteari, lehen aipatutako inskripzio-orriarekin batera.
- Banku helbideraketa. Horrek esan nahi du Gurasoen Elkarteak berak kobratuko dizula kuota. Horretarako, banku-helbideratzearen orria bete eta Gurasoen elkartearen inskripzio-orriarekin batera aurkeztu beharko duzue.
* GARRANTZITSUA: EZINBESTEKOA da ordainketaren kontzeptuan familiaren izena jartzea.
Gainera, aurten ere zehaztu dezakezue zuen seme-alabak eskola amaitu arte Gurasoen Elkarteko bazkide izaten jarraitu nahi duzuen edo urtez urte baja eman nahi duzuen. Aurten zein egoeratan gauden ikusita, dokumentu horiek guztiak (inskripzio-orria, ordainagiria eta helbideratze-orria) Gurasoen Elkartearen helbidera bidali beharko dira, zelandi.apyma@gmail.com, eskaneatuta edo argazki gisa.
Izena emanda egon arren, arrazoi bat edo beste dela medio, urrats horietakoren bat eman ez duten pertsonei, edo daturen bat aldatu nahi dutenei, inskripzioa berrikusi eta gurekin harremanetan jartzeko eskatzen diegu.
ESKOLAZ KANPOKOAK
Denok dakizuenez, ikasturte berria 2. eszenatoki batean hasiko da. Horrek esan nahi du ikastetxeak sektoreen blokeo indartuan jarraitzen duela, eta eskolaz kanpoko jarduerak zein tailerrak etenda daudela. Inguruabar hori kontuan hartuta, Zelandiko Gurasoen Elkarteak uste du 2020-2021 ikasturtean ezinezkoa izango dela eskolaz kanpoko jarduerak modu presentzialean egitea, bai eskolak antolatutako bizikidetza-talde egonkorretako ikasleen kudeaketari dagokionez, bai araudi berriak eskatzen duen espazio fisikoen gaiari dagokionez.
Nolanahi ere, Zelandiko Gurasoen Elkartean lanean ari gara, datozen hilabeteetan ikastaroren bat modu telematikoan eskaini ahal izateko.
JANTOKIA
Ikasturte berri honen hasieran gauden egoeran (2. eszenatokia), eskolako jantokia aktibo egongo da urritik ekainera bitartean (egoera hori aldatu egingo da osasun-egoerak agertokia aldatzera behartzen bagaitu).
Aurten, ordea, jantokiak ohiko jankideak bakarrik hartuko ditu. Hau da, zerbitzua bakarrik eskainiko zaie egunero edo asteko egun batzuetan, baina beti egun beretan, erabiltzen duten ikasleei. Horrek esan nahi du ez dela bonorik egongo, eta ez direla onartuko noizbehinkako mahaikideak, aurreko urteetan bezala. Horrela, urte osoan mahaikide talde finko bat lortuko dugu, urritik ekainera, eta jantokian kokapen finko batekin; horri esker, Covid-19ren osasun-krisiak ezarritako
segurtasun-neurriak errespetatu ahal izango ditugu.
* GARRANTZITSUA: jantoki-zerbitzua erabili ahal izateko, nahitaezkoa da Gurasoen Elkarteko bazkide izatea.
Jantokiaren kudeaketa behar bezala eta ahalik eta azkarren antolatu ahal izateko, zerbitzua erabiliko duten ikasleen kopuru zehatza jakin behar dugu. Jantokian izena emateko epea irailaren 8tik irailaren 11ra bitartekoa da.
Horretarako, inprimakia bete eta, eskaneatuta edo argazki gisa, Gurasoen Elkartearen helbidera bidali beharko
duzue, zelandi.apyma@gmail.com.